താരാട്ടിന്റെ താളം

എ. അയ്യപ്പന്‍

കാക്ക പറഞ്ഞു
എനിക്കുപാടാനറിയില്ല
പുലരിയെ ഉണര്‍ത്തുന്നത് ഞാനാണ്
കുയിലേ
എനിക്കസൂയയില്ല.
നിന്റെ പാട്ട്
കുഞ്ഞിനും
കുഞ്ഞിന്റെ മാമിക്കും ഇഷ്ടം
അമ്മതരുന്ന പാലുകുടിക്കുക
അമ്മൂമ്മയുടെ താരാട്ടുകേള്‍ക്കുക.
അങ്ങനെ വളരുക
തൊട്ടിലില്‍നിന്ന് വീണ്
ഇഴഞ്ഞിഴഞ്ഞ്
ഇറയത്തു വരിക.
വടിയുമായ് നില്പുണ്ട് മുത്തശ്ശി
ഉമ്മയോടെ പാട്ട് കേട്ട്
വീണ്ടും ഉണരുക, വീണ്ടുമുറങ്ങുക.